AVISO

                                                              LALORAN TASI BO’OT

DNMG- Fo hatane ba comunidade sira nebe maka frequenta zonas costeiras katak: Tuir previzaun husi DNMG hatudu, apartir dia 3 de Junho de 2020 (aban) laloran tasi bele atingi to`o 2,5 metrus iha costa Sul no regiaun costeiras iha parte Leste hanesan Lautem ,Viqueque no  Covalima no bele persiste to`o dia 4 de junho de 2020. Situasaun ne`e akontese tamba hetan forsa husi rajada anin nian nebe hu`u husi Australia ho intensidade +/- 54 km/h.

Boletim emitido: 02-06-2020 às 10:00 HL

Boletim válido até: 05-06-2020 às 00:00 HL

Direção Nacional de Meteorologia e Geofísica – Ministério de Transportes e comunicações de Timor Leste

ATENSAUN

                     UDAN HO INTENSIDADE MODERADO TO'O FORTE

DNMG- Iha tersa-feira (26-05-2020) Iha parte meio-dia no lokraik kalohan sei desenvolve aan taka no sei kausa udan fraku too forte iha quase Timor laran tomak.

Atensaun especial ba populsaun sira costa sul no parte central (foho)  Ilha Timor nian,liuliu ba municipio:  Bobonaro, Covalima, Manufahi, Ainaro, Viqueque no Lautem. 

Areas sira nebe tem tau antensaun iha oras 4 -9  tuir mai:

Lolotoe, Zumalai, Ainaro, Atsabe, Alas, Fatuberliku, Ossu, Baguia, Luro, Ilomar, Com, Mehara no Tutuala.

Iha possibilidade boot atu hamosu udan ho intensidade moderado too forte iha fatin sira nebe menciona iha leten. Iha pontensia ba alagamento, inudasaun no rai monu.

Boletim emitido: 26-05-2020 às 10:00 HL

Boletim válido até: 27-05-2020 às 00:00 HL

Direção Nacional de Meteorologia e Geofísica – Ministério de Transportes e comunicações de Timor Leste

ALERTA BA TEMPO SEVERO BA FIM-DA-SEMANA NE'E IHA TIMOR LESTE

Iha risco ba alagamento, inundasaun, rai monu, estrada kotu, ai monu no corte ba energia elétrica. 

DNMG- Komesa husi quinta feira ohin dia 21 de maio de 2020, areas de instabilidade (udan acompanha ho anin) sei forma komesa husi meio-dia no sei kausa udan husi intensidade fraku too forte ba Timor Laran tomak. Atensaun ba Municipos no posto administrativo tomak inclui RAEOA no Atauro.

Liuliu Iha sexta-feira to’o domingo  (22-24/05/2020) iha possibilidade boot atu hamosu udan komesa husi dadersan too kalan iha maioria território nasional laran tomak.

Alerta ba populasaun sira iha município iha Sábado too Domingo (23-24/05/2020): Covalima, Bobonaro, AInaro, Manufahi, Manatuto, Baucau, Viqueque, Lautem inclui RAEOA. Fatin sira nee durante semana rua ba kotuk simu udan ho quantidade siginificativo (boot ) tebes, tan ne kondisaun rai(solo) bokon demais ona iha parte ne'eba, consequentemente kapasidade absorsaun ba udan beem mos sei menos wainhira akonstese udan boot, hodi halo udan bee sei naksulin deit iha rai leten.

Iha risco ba alagamento, inundasaun, rai monu, estrada kotu, ai monu no corte ba energia elétrica. 

Udan sei persiste to’o segunda-feira dia 25 de maio de 2020.

Boletim emitido: 21-05-2020 às 11:00 HL

Boletim válido até: 26-05-2020 às 00:00 HL

Direção Nacional de Meteorologia e Geofísica – Ministério de Transportes e comunicações de Timor Leste

Previsaun udan akompanha ho anin iha fim-da-semana nee.

 

DNMG-TL: Bazeia ba análize husi modelos meteorológicos ECMWF no GFS hatudu katak Ilha Timor tomak, liuliu costa sul sei experimenta udan ho intensidade moderado too forte  akompnaha  ho anin, durante fim –da-semana ne’e (husi dia 15-17/05/2020).

Conforme  ba histórico udan iha parte central(foho) no costa sul durante semana ida ne’e nia laran ne’ebé sempre iha udan quase loloron, nota katak rai (solo)  iha parte ne’ebá quaze saturado ona (bokon demais ona) hodi  minimiza ona kapasidade absorsaun udan bem tama ba rai laran. Tan ne’e se wainhira udan mai ho volume ne’ebé boot rai sei la kapta no sei sulin deit iha ninia superficie hodi hamosu fenômeno neebe ita hanaran inundasaun ou bee sa’e.

Municipios sira neebe precisa atensaun ba eventu ida nee mak hanesan tuir mai ne’e:
-Lautem
-Viqueque
-Baucau
-Manatuto
-Manufahi
-Ainaro
-Ermera
-Covalima
-Bobonaro

Atensaun mos ba laloran boot (1-2 metros) iha costa sul.
Udan sei kontinua kontinua iha segunda feira ( 18/5/2020) too quinta-feira(21/5/2020) iha costa sul.

Boletim emitido: 14-05-2020 às 15:00 HL
Boletim válido até: 22-05-2020 às 00:00 HL

Direção Nacional de Meteorologia e Geofísica – Ministério de Transportes e comunicações de Timor Leste                                        

Atensaun ba tempo severo

 Udan ho intensidade moderado too forte akompanha ho anin

DNMG- Oras nee dadaun forma no desenvolve aan hela iha sudeste tasi Banda nian, besik Ilha Wetar nian husi parte norte Ilha Timor nian, sistema baixa pressaun nébe’e Meteorologista sira hanaran Depresaun Tropikal, sistema refere sempre kausa  mau tempo (udan boot no anin ho intensidade menor de 63 km/h ) iha rejiaun hirak nébe’e sistema refere passa ba.

Comesa husi  ohin kalan (15/4/2020) sistema nee sei desloca ba oeste, katak nia sei hakbesik aan ba Ilha Timor.

Depresaun Tropical nee sei kausa udan ho  anin ho intensidade fraku too forte  ba Ilha Timor tomak komesa husi madrugada too kalan ba quinta-feira nee (16/4/2020).

Atensaun ba Municipios Timor laran tomak. Atensaun Especial ba Municipio Lautem, Baucau, Viqueque, Manatuto no Dili.

Udan ba sei akomapnha ho anin moderado too forte liuliu iha parte zonas costeiras sira, liuliu rejiaun hirak nébe’e iha costa norte.

Iha Risco ba bee sae no ai monu.

Boletim emitido: 15-04-2020 às 14:00 HL

Boletim válido até: 17-04-2020 às 00:00 HL

Direção Nacional de Meteorologia e Geofísica – Ministério de Transportes e comunicações de Timor Leste

ALERTA DO TEMPO SEVERO

        Risco eminente de alagamento, enchente, inundação, deslizamento da terra e corte da energia elétrica que causará grandes transtornos à vida da população em geral.

                                  

DNMG- Nesta Sexta-feira, dia 20 de março de 2020, as áreas de instabildades se formarão apartir da meio-dia e causarão pancadas de chuvas acompahadas de rajadas de ventos  em todo território de Timor Leste. Atenção para todos os municípios e os postos administrativos de Timor inclui RAEOA e a Ilha Atauro.

No Sábado (21/03/2020), o dia começara instavél com pancadas de chuvas isoladas e pode ser localmente forte. Apartir da tarde haverá chance de chuva intensa para todo território nacional de Timor-Leste.

Boletim emitido: 20-03-2020 às 14:00 HL

Boletim válido até: 23-03-2020 às 00:00 HL

Direção Nacional de Meteorologia e Geofísica – Ministério de Transportes e comunicações de Timor Leste

ALERTA BA TEMPO SEVERO

Iha risco ba alagamento, inundasaun, rai monu, estrada kotu, ai monu no corte ba energia elétrica. 

DNMG- Ba sexta feira ohin dia 20 de março de 2020, areas de instabilidade (udan acompanha ho anin) sei forma komesa husi meio-dia no sei kausa udan ho intensidade moderado too forte ba Timor Laran tomak. Atensaun ba Municipos no posto administrativo tomak inclui RAEOA no Atauro.

Iha sábado (21/03/2020) udan sei komesa husi dadersan too lokraik ho intensidade fraku too forte ba iha Timor laran tomak.

Boletim emitido: 20-03-2020 às 14:00 HL

Boletim válido até: 23-03-2020 às 00:00 HL

Direção Nacional de Meteorologia e Geofísica – Ministério de Transportes e comunicações de Timor Leste